سورة البقرة وفضلها وفوائدها على قارئها

من طرف **عاشقةالسراب** الإثنين مايو 05, 2008 11:42 pm

بسم الله الرحمن الرحيم

والصلاة والسلام على نبينا محمد وعلى أله الطيبين الطاهرين

أخواتي الماجدات أنا سوف أنقل لكم هذه المقالة التي تتكلم أخت من الأخوات عن فضل سورة البقرة المباركة وأترككم مع ما روته من الأحداث وتأثير سورة البقرة الكريمة طبعا العهدة على الراوي لكن نحن المسلمون لا نكذب كرامات القرآن وما فيه من شفاء وعلاج لكل الأمراض لكن المطلوب هوا البحث والاعتقاد والتصديق والاعتماد على الله سبحانه.
وأليكم ما روته الاخت الكريمة

في موضوعي مشكله واجهتها ألي هي عدم انتظام الدورة الشهرية

(من سنه ونص كانت الدورة الشهرية تجيني كل 13 يوم ولاتجلس إلا 3 او 4 ايام تلخبطت ليش ما ادري

ما بقى مستشفى خاص ما رحت له وكلام متنوع ألي يقول ارتفاع في هرمون الحليب،التهاب في بطانة الرحم تكيسات في الرحم وعلى المبيض،أنواع الأمراض ما بقى علاج ما أعطوني ولا منظم دورة ما كليته ولا شي جاب نتيجة قلت أبروح مستشفى حكومي يمكن عندهم علاج رحت لمستشفى الملك خالد الجامعي ونفس الشيء ما استفدت ذاك اليوم كنت محبطة وأبكي الصراحة تعبت نفسيتي

المهم تذكرت كلام صديقتي قد قالت إن الدورة ماتجيها إلا كل كم شهر يعني مو منتظمة تقول قرأت سورة(البقرة)كاملة لمدة 7 أيام تحلف لي إنها من بعدها صارت تجيها كل شهر

أنا قلت بسوي مثلها

قرأت سوره البقرة ماتأخذ ألا من نص ساعة إلى ساعة بعدها انفخ على نفسي أقسم بالله العظيم في ها الرمضان إنها انتظمت علي على طول وصارت تجيني في نفس اليوم وتنزل طبيعي الحين لي 5 شهور على ها الوضع مااتركها ولايوم لأني شفت العافية

سالفة ثانيه(بنت خالتي لها 4 سنين ما حملت تصدقون تقول قريت سورة البقرة شهر أو شهرين بعدها حملت )

( أمي كان معها نزيف جلست شهر على ها لوضع نفس الشي قرأت سورة البقرة سبحان الله وقف النزيف )

مع إن المستشفى عطوها علاجات بس ما نفعت

فضل سوره البقرة(قال الرسول صلى الله عليه وأله وسلم: أقرءوا سورة البقرة ،فإن أخذها بركة،وتركها حسرة, ولا تستطيعها البطلة أي السحرة)

سبحان الله تأمل في الحديث قراءة سورة البقرة فيها بركة على الإنسان وتركها حسرة على الإنسان

ومن قرأها لم تستطيع عليه السحرة

قال الرسول صلى الله علية وأله وسلم (لا تجعلوا بيوتكم مقابر،إن الشيطان ينفر من البيت الذي يقرءا فيه سورة البقرة)

قصة أخرى

فيه حرمه دقت على إحدى المطوعات وقالت لها أنا عندي بناتي الثلاث حياتنا متدهورة ووضعنا صعب

بناتي اللي مطلقه واللي معلقه واللي تأخرت ماتزوجت والمشكلة تجينا من كل مكان وعايشين بـهم وغم وضيقة صدر ماتنطاق .!

قالت لها المطوعة.. ابغاك أنتي وبناتك تقرون سورة البقرة كاملة يوميا لمدة 40 يوم وبعدها ارجعي وكلميني

وبعد 40 يوم اتصلت الحرمة وقالت حصل شي غريب!!

اليوم كلنا أستفرغنا (رجعنا )!!

قالت المطوعة ارجعوا اقروها مره ثانيه ولمدة أربعين يوم وارجعي كلميني وبعد أربعين يوم رجعت وكلمتها قالت أنا وبناتي كلنا حلمنا بأختي !!

قالت الداعية طيب ارجعوا واقروها 40 يوم وارجعوا كلموني وبعد أربعين يوم اتصلت الحرمة وقالت أن أختي اللي حلمنا فيها تعبانه ومايدرون وش فيها

قالت لها أن (((أختك كانت ساحرتكم)))

والحين انقلب سحرها عليها !!

وأنا من تجربتي ..

في فتره كنت أعاني من ظروف صعبه وكانت نفسيتي دماااار أنام وأنا أصيح واصحي وأنا أصيح معاد أشوف قدام عيوني غير سواد من الحزن اللي فيني وقالت لي أختي جربي تقرين لو كل يوم جزء من سورة البقره إنشاء الله تفيدك وصرت يوميا أقرا 4 وجوه أول ما اصحي

كم يوم وأنا الحمد لله تحسنت كثيييير نفسيا \ جسميا بديت ارجع لطبيعتي والاهم من هذا كنت أحس بطمأنينة حلوووه
وكل ماخلصت رجعت وبديت فيها وياربي لك الحمد ياكثر ياكثر من فادتهم ها السورة المباركة

اعرف وحده قسم بالله قدام عيوني زوجها صاد عنها ولا يطالعها لاهي ولا عيالها ودايم صاك على نفسه الباب عند الدش وشاروا عليها العارفين بسورة البقرة وهي تقراها وتدعي ربها ومتيقنة بفرج رب العالمين ها الحين قسما بالله الرجال مغير يشوف أمورها ويشوف وش تحب ويعطيها فلوس وهي مغير تحمد ربها

الله ينور بصايرنا ويفتح على قلوبنا

نسألكم الدعاء
منقـــــــــــــــــــــــــــــــــــول